მარლენ ავჭალელი

ჭეშმარიტად ამოუწურავია ადამიანური აზროვნების სიმდიდრე. აზროვნების გამოხატვის შთამბეჭდავი ფორმაა აფორიზმი, მაქსიმა – რომლის დამახასიათებელია სიბრძნის მარგალიტების სხარტად გამოხატული ენობრივი ფორმა. სწორედ აფორისტული ფორმით გამოთქმული ჭეშმარიტება აღვიძებს და მიმართავს ჩვენს აზროვნებასა და გრძნობებს იქითკენ, რომ საშუალება მოგვეცეს უფრო ღრმად, ახალი მხრივ შევიმეცნოთ და შევაფასოთ ზოგჯერ თითქოს უკვე ნაცნობი მოვლენები და ცნებები.

გამოჩენილ მოაზროვნე ადამიანთა გამოთქმულმა აზრებმა საუკუნეებს გაუძლო და თაობიდან თაობაზე გადადიოდა, გამოხატავდნენ რა ხალხთა ინტერესებს, ხელს უწყობდნენ მათ ღირსებისა და ზნეობრიობის ამაღლებას. ბრძნული შეგონებების კითხვა – ეს არა მარტო ინტელექტუალური სიამოვნებაა, არამედ ადამიანის აზროვნებისა და მეტყველების კულტურის განვითარების საშუალებაც.